Ырыа күнүн көрсө «Кутаа тула ырыалар»…

Маннык бэлиэ күнү айар куттаах дьон саҥа бырайыактаах көрүстүбүт, ол курдук Анна Семенова – Арылы Кустук хоһоонугар, Иванна Ивановна Иванова мелодиятыгар — «Күнү көрсөр үчүгэйиэн», саҥа ырыаны уонна ону кытта клибы сүрэхтиибит. Бырайыак ааптара — Айаана Антонова, клип режиссера — Варвара Плотникова, устааччы — Альбина Лазарева, монтаж — Дмитрий Григорьев. Клип кэнниттэн «Кутаа уот тула» бырайыакпытын көрөргүтүгэр ыҥырабыт. Николай Чуор аатынан «Кыталык» КД исписэлиистэрэ кутаа тула олорон гитара доҕуһуоллаах ылбаҕай ырыалары ыллаатылар, маны таһынан сорох ырыалар суруллубут устуоруйаларын сырдаттылар. Ыытаачылар – Альбина Тумусова, Наталья Данилова. Гитараҕа оонньоото — Евгений Охотоев. Устуу — Альбина Лазарева, Анна Васильева Монтаж — Анна Васильева