«Киэн туттуум — киэргэлим, силигим ситиитэ — симэҕим» ыһыахха кэтиллэр саха дьахтарын бэйэ оҥоһук киэргэлин аһаҕас күөн күрэһэ.

Алгыс күнүн чэрчитинэн Н.И.Харитонов – Николай Чуор аатынан «Кыталык» КД «Киэн туттуум — киэргэлим, силигим ситиитэ — симэҕим» аһаҕас онлайн күрэҕи бэс ыйын 5 күнүттэн 18 күнүгэр дылы тэрийэн ыытта. Ньурба куораттан, Малдьаҕартан, Чуукаартан, Күндээдэттэн, Антоновкаттан, Мархаттан, Сунтаар, Нам, Уус-Алдан, Амма, Мэҥэ-Хаҥалас улуустарыттан уонна Дьокуускай куораттан — уопсайа 17 уус харахтаахтар, тарбахтарыгар талааннаахтар кыттыыны ыллылар.

Күрэх 5 көрүҥҥэ арахсан ыытылынна, ол курдук:

  1. «Тирииттэн симэх»
  2. «Оҕуруоннан симэх»
  3. «Сиэлтэн симэх»
  4. «Туостан симэх»
  5. «Аныгы материаллартан симэх»

Күрэхпитин өйөөбүт спонсордарбытыгар махтанабыт:

  1. «Чиллэ» КХ, Зедгенидзев Л.В.
  2. «Кыталык» КД
  3. Оройуоннааҕы Култуура департамена
  4. КПК «ЦФС» Аргыскредит»
  5. «Мир ткани» ателье
  6. Токарева Анджела, сертификат на мастер класс

Күрэс түмүгэ @dk_kytalyk инстаграм сирэйбитигэр тахсыбыта.

Кыттааччыларбытыгар махталбытын тириэрдэбит! Өссө даҕаны көхтөөх кыттыыны ыла тураргытыгар, ситиһиилэри баҕарабыт!

Эһиги болҕомтоҕутугар күрэх кыттыылаахтара.

Добавить комментарий

Ваш адрес email не будет опубликован. Обязательные поля помечены *