Аҕам саастаахтар декадалара үөрүүлээхтик арылынна.

Бүгүн, алтынньы ый 1 күнүгэр  «Кыталык» КД үлэһиттэрэ, үгэскэ кубулуйбут, Аҕам саастаахтар күннэринэн В.А.Петрова аатынан кырдьаҕастар дьиэлэрин олохтоохторугар баран эҕэрдэ кэнсиэр көрдөрдүлэр. Бу үөрүүлээх күнунэн аҕам саастаахтары эҕэрдэлээтилэр Ньурба оройуонун администрациятыттан опека уонна попечительство отделын начальнига Валентина Семеновна Халанникова, «Ньурба куорат» муниципальнай тэриллии баhылыгын социальнай боппуруоска солбуйааччыта Мария Константиновна Куличкина, оройуоннааҕы бэтэрээннэр Сэбиэттэрин бэрэсэдээтэлэ Татьяна Прокопьевна Олесова, Н.И. Харитонов — Николай Чуор аатынан «Кыталык» КД дириэктэрэ Максим Викторович Рожин, В.А. Петрова аатынан кырдьаҕастар интэрнээт дьиэлэрин  салайааччыта Изамира Федосьевна Семенова, Ньурбатааҕы кырдьаҕастар интэрнээт дьиэлэрин  дириэктэрин солбуйааччыта Данил Валерьевич Иванов.

   Ылбаҕай ырыаларын бу үөрүүлээх күннэ бэлэхтээтилэр: Максим Федоров — Ырыа Махсыым, Владимир Иванов, Вероника Иванова, Егор Михайлов, Виталий Семянов, Иванна Иванова. Варвара Потапова хоһоонун уус-ураннык аахта Майя Левина.  Саксофон кэрэ тыаһын аҕам саастаахтарга бэлэх уунна Евгений Охотоев.

Добавить комментарий

Ваш адрес email не будет опубликован.