«КЫТАЛЫК» култуура дыбарыаһын 32-с айар сезона үөрүүлээхтик аһылынна!

32 айар сезон үөрүүлээхтик арылынна!

        Соторутааҕыта эрэ бүтүн Өрөспүүбүлүкэҕэ тиийэ биллибит,  саҥа кэм хардыытынан ыытыллыбыт “Два Голоса” онлайн-бырайыагы дьон-сэргэ  биһирээн, уостан түспэт  кэпсээн оҥосто сылдьыбыт буоллахтарына, сэтинньи ый тымныылара  саҥа түһүүтэ, Ньурба куорат олохтоохторун  Егор Михайлов  “Пародист Шоу” бырайыагынан  «кыталыктар» эмиэ соһуттулар, үөртүлэр.

       Бу киэһэ  80-90-с сыллар  кумирдара, билиҥҥи ыччат сүгүрүйэр ырыаһыттара, бэл диэтэр ыраах Америкаттан тиийэ ырыаһыттар кэлэн “Кыталык” КД киэҥ – куоҥ, сырдык  сыанатын ахтыбыт  көрөөччүлэргэ умнуллубат кэрэ киэһэни, чаҕылхай түгэни бэлэхтээтилэр. Ол курдук, Муслим Магомаев, Лайма Вайкуле, Верка Сердючка, Глюкоза, Лолита,  Сергей Жуков, Ирина Аллегрова, нарын – намчы Жасмин,  Шакира, биһиги сүрэхпитигэр өрүү баар – Виктор Цой,  90-с сылларга элбэх кыыс сүрэҕин аймаабыт Юра Шатунов, саҥа суоллаах – иистээх ырыаһыт — Манижа, хатыламмат куоластаах Зиверт, Слава, Дима Билан, Кореяттан Псай кэлэн биһиги сыанабытыгар ыллаан-туойан, үҥкүүлээн аастылар. «Пародист-шоуну» иилээн – саҕалаан ыыттылар Саргылана Егомина, Иван Попов – Алгыс.  Дьэ,  “бу уобарастар “мааскаларын” кэннигэр кимнээх састылар диир буоллаххытына: “Кыталык” КД айар холбоһуктарыгар дьарыктанар Ньурба эдэр ыччата, культура киинин үлэһиттэрэ уонна сыанаттан түспэт ырыа куттаах доҕотторбут, биир идэлээхтэрбит.

        Түгэнинэн туһанан куруук биһиэхэ өйөбүл буолар, ыҥырдахпытына тук курдук үҥкүү буоллун үҥкүү, ырыа буоллун ырыа барытыгар  үөрэ-көтө  кэлэн кыттар ырыаһыттарбытыгар, үҥкүүһүттэрбитигэр ыытар бырайыактарбытыгар өрүү көхтөөх  кыттыыны ыларгытыгар барҕа махталбытын тиэрдэбит!

Добавить комментарий

Ваш адрес email не будет опубликован.