Ньурба олохтооторо уонна ытык — мааны ыалдьыттара, эһигини барыгытын Улуу Далаан Олоҥхобут күнүнэн ис — сүрэхтэн эҕэрдэлиибит!
В.И.Иванов Чиллэ Баһылай икки үйэ алтыһыытыгар олоҥхоһут быһыытынан тахсыбыта. Кини 10 — ча биллэр олоҥхолордоох. Араас ыытыллар олоҥхо тэрээһиннэригэр, күрэхтэригэр ситиһиилээхтик кыттан, элбэх наҕараадалардаах.
Кини бэйэтэ айбыт олоҥхотун толорор буолан, үгүс олоҥхону үөрэтэн толорооччулартан уратылаах. Кини олоҥхо эйгэтин тэрийиигэ, оҕолор олоҥхону толорууларыгар интэриэс үөскүүрүгэр ыҥырыынан ытык ыалдьыт буолан, Таркаайы, Антоновка, Араҥастаах нэһилиэктэрин дьоро түмсүүлэригэр үөрэ — көтө олоҥхолуур.
Ньурба оройуонугар ыытыллыбыт «Куйуур олоҥхото» проегы олоххо киллэриигэ дьаныардаахтык үлэлэспитэ. Үйэлээх үгэспитин, улуутуйар Олоҥхобутун үүнэр көлүөнэҕэ тиэрдээччи, удьуор утумун салҕааччы биир дойдулаахпыт В.И. Иванов — Чиллэ Баһылай айа -тута, ыллыы — туойа сылдьарыттан биһиги биир дойдулаахтара киэн туттабыт!