Кэрэ киһиэхэ аныыбыт.

Алтынньы ый 16 күнүгэр «Кэрэ киһиэхэ аныыбыт» диэн биир дойдулаахпыт, СӨ үөрэҕириитин бочуоттаах үлэһитэ, СӨ үөрэҕириитин туйгуна, Ньурба 1 №-дээх орто оскуолатын өр сылларга үтүө суобастаахтык үлэлээбит учууталбыт — Петрова Тамара Ивановна Кореяҕа искэн ыарыытыттан суһал операция ааһарыгар көмө аһымал кэнсиэр буолла. Бу киэһэ бииргэ үлэлээбит кэллиэгэлэрэ, үөрэппит оҕолоро, гимназия үөрэнээччилэрэ уонна ыҥырыылаах ыалдьыттар биир сомоҕо буолан ыллаан, үҥкүүлээн көрөөччү биһирэбилин ыллылар. Аһымал кэнсиэр түмүгүнэн барыта 494569 солкуобай хомулунна. Күн киһитэ көмүскэс, Айыы киһитэ аһыныгас диэн мээнэҕэ эппэттэр, Тамара Ивановна аймахтара кэнсиэргэ көхтөөх кыттыыны ылбыт үтүө санаалаах дьоҥҥо барҕа махталларын тиэрдэллэр.

Добавить комментарий

Ваш адрес email не будет опубликован. Обязательные поля помечены *