«Зимние узоры седого Вилюя» оройуоннааҕы күрэх түмүгэ.

      Ахсынньы ый 1 күнүгэр Сахабыт сирин үрдүнэн 2012 сылтан тыйыс тымныы кыһыммытынан киэн туттар, саха норуота ыалдьытымсаҕын туоһулуур «Зима начинается с Якутии» фестиваль сылын аайы ыытылларын курдук быйыл эмиэ буолла. Бу фестиваль чэрчитинэн Н.И.Харитонов – Николай Чуор аатынан “Кыталык”  КД иһинэн үлэлиир клубнай түмсүү салайааччыта Иванова Фекла Ивановна 2018 сылтан буолар  “Зимние узоры седого Вилюя” проега быйыл төрдүс төгүлүн ыытылынна. Бу проект туһунан сырдатар буоллахха, манна Ньурба оройуонун олохтоохторун илиинэн бэйэ оҥоһугу оҥорон киэҥ  араҥаҕа таһаарыы, кэлэн иһэр Саҥа Дьыл чугаһаабытын  бэлиэтээһин. Манна кыттыыны ылаллар уһуйаан сааһыттан улахан дьоҥҥо тиийэ илиилэригэр талааннаах баҕалаах кыттааччылар.

      Тэрээһини Ньурба куоратын “Аленушка”  оҕо уһуйаанын “Виноградинки” үҥкүү бөлөҕө арыйда. (сал. А.Г.Седалищева). Н.И.Харитонов – Николай Чуор аатынан “Кыталык” КД салайааччыта Дондокова Самангади Базарсадаевна бу күрэх туһунан сырдатар ис хоһоонноох  тыл  эттэ, күрэх кыттыылаахтарыгар ситиһиини баҕарда.

     Быйыл «Креативная игрушка», “Символ года”, “Новогодняя кукла”, “Зимние узоры” номинацияларга отутча киһи кыттыыны ылла. Хатыыттан, Күндээдэттэн, Антоновкаттан, Ньурба уһуйааннарыттан, оскуолаларыттан уонна биирдиилээн дьон араас кэрэ оҥоһуктарын аҕалан дьон көрүүтүгэр туруордулар.

    Дьүүллүүр сүбэҕэ үлэлээтилэр Иванова Фекла Ивановна — бырайыак автора, Егорова Алиса Васильевна – Ньурбатааҕы оҕо искусствотын художественнай салаа уһуйааччыта, үрдүк категориялаах учуутал, СӨ култууратын туйгуна. Дьүүллүүр  сүбэ бэрэссэдээтэлэ – Васильева Анна Николаевна – Н.И.Харитонов – Николай Чуор аатынан “Кыталык” КД иһинэн үлэлиир ”Хобби – класс”  салайааччыта. 

   Көрүү түмүгүнэн «Зимние узоры» — кыһыммыт кэрэтин хоһуйар уруһуй күрэҕэр  кыайыыны оҕолорго ылла Убайаан орто оскуолатыттан Николаева Ангелия (бирииһэ “Самсон” маҕаһыынтан сертификат), улахан дьоҥҥо бу номинацияҕа кыайда Тимофеева Варвара Николаевна, “Аленушка” оҕо уһуйаанын иитээччитэ (бирииһэ “Самсон” маҕаһыынтан сертификат).

    “Креативная игрушка” – саҥа дьылбыт симэммит харыйатын киэргэлэ, харыйа анныгар эбэтэр иилиллэр оонньуурдарын көрүүгэ оҕолорго бастаата Күндээдэ орто оскуолатыттан Ананьева Катя (бирииһэ “Самсон” маҕаһыынтан сертификат), улахан дьоҥҥо бастаата Семенова Антонина Максимовна, “Аленушка” оҕо уһуйаанын иитээччитэ (бирииһэ “Самсон” маҕаһыынтан сертификат).

   Күрэхпит үгэс буолбут номинацията, үүнэр сылбыт бэлиэтэ “Символ года” анал аатка, оҕолорго бастаата Ньурба куоратын “Туллукчаан” оҕо уһуйааныттан Николаев Никита (бирииһэ “Самсон” маҕаһыынтан сертификат), улахан дьоҥҥо бастаата Ньурбатааҕы библиотечнай система үлэһитэ – Илларионова Марина Олеговна (“HOBBY & HOME” сал.Аввакумова С.И. маҕаһыына туруорбут бирииһэ) .

   “Новогодняя кукла”  диэн номинацияҕа оҕолорго  бастаата Антоновка орто оскуолатыттан Михайлова Нарыйаана (бирииһэ “Самон” маҕаһыынтан сертификат), улахан дьоҥҥо Ньурбатааҕы киин балыыһа үлэһитэ Егорова Нюргуяна Васильевна (“Нитка” маҕаһыын сал. Андреев В.Н. туруорбут бирииһэ) кыайан үөрдүлэр – көттүлэр.

    Тойон сүбэ анал аатын ылла, Күндээдэ орто оскуолатын үөрэнээччитэ Габышева – Варламова  Айсаана (“Хозяюшка” маҕаһыын сал. Посельская С.Г. туруорбут бирииһэ).

    Күрэххэ кыттыбыт кыттааччылар бары туоһу сурук туттулар. Ньурба куоратын “Аленушка” уһуйаанын бэлиэтээн ааһыахпытын баҕарабыт, оҕолорун, үлэһиттэрин үлэлэрин аҕалан быыстапкаҕа туруоран кэлбит дьону сөхтөрбүттэринэн.

    Түгэнинэн туһанан, өрүүтүн күүс — көмө буолар, илиилэригэр талааннаах Ньурбабыт оройуонун өйүүр биһиги спонсордарбытыгар – “HOBBY & HOME” салайааччытыгар Аввакумова Сардана Ивановнаҕа, “Нитка” маҕаһыын салайааччытыгар Андреев Владимир Николаевичка, “Хозяюшка” маҕаһыын салайааччытыгар Посельская Сардана Гаврильевнаҕа улахан махталбытын тиэрдэбит!  Баҕарабыт  үлэҕитигэр үрдүк ситиһиилэри, кытаанах доруобуйаны, саҥа саҕахтар арылла туралларын!

    Эһиил, 2023 сылга “Зимние узоры седого Вилюя” күрэх ыытыллыбыта биэс сыла буолар. Бу проект өссө да элбэх саҥа талааннары арыйан, саргылаах саҥа дьылбыт чугаһаабытын санатардыы Ньурба оройуонун бренда буолуо диэн эрэнэ хаалабыт.

Добавить комментарий

Ваш адрес email не будет опубликован. Обязательные поля помечены *