Кыайыы күнэ! Бу икки тылы ол кэмнэргэ дойду үрдүнэн төһөлөөх элбэх дьон кэтэспитэ буолуой?! Биһиги хос эһээлэрбит сырдык тыыннарын толук ууран бу бүгүн, биһиги, оҕолорбут, сиэннэрбит үөрэ – көтө олорорбутугар турууласпыттара. Тыыл дьоно утуйары, сынньанары умнан туран барыта фронт туһугар диэн харыстаммакка үлэлээн кыайыыны уһансыбыттара. Бүгүн кинилэри чиэстиир үөрүүлээх күн!
Бүгүн ыам ыйын 9 күнүгэр Улуу Кыайыы 78 сылын көрсө үгэс быһыытынан улахан тэрээһин буолла. Кыайыы болуоссатыгар төһө да тыаллаах халлаан буоллар, тыыл бэтэрээннэрэ, сэрии оҕолоро ыҥырыллан кэлэн тэрээһин саҕаланыаҕыттан бүтүөр дылы сырыттылар. Бу күн оскуола оҕолорун уонна тэрилтэлэр коробкаларын парадтара дьон болҕомтотун тарта. Бырааһынньыктааҕы тэрээһин аһыллыытыгар Ньурбатааҕы көһө сылдьар государственнай театр артыыстара кыттыыны ылан олус диэн киэргэттилэр.
Эҕэрдэ тылы эттилэр “Ньурба оройуона” МО баһылыгын солбуйааччыта Н.И.Бурнашев, “Ньурба куорат” МТ баһылыга Г.В.Игнатьев, улуустааҕы дьокутааттар Сэбиэттэрин бэрэссэдээтэлэ С.И.Евсеев, Ньурба оройуонун Ытык Сэбиэтин бэрэссэдээтэлэ Н.В.Николаев, Ньурба оройуонун эдэр ыччатын аатыттан Н.Н. Чусовской аатын сүгэр Антоновка орто оскуолатын үөрэнээччитэ Василий Егоров.
Көрөөччүлэри эҕэрдэлиир кэнсиэргэ кыттыыны ыллылар «Дабайа» (сал.Алексеева С.С.), “Сэгэлдьийэ” (сал.Сидорова Р.И.) ырыа ансаамбыллара, эр дьон ырыа ансаамбыла, Т.И.Шестаков кулууптаах формированиетын ырыаһыттара, “Сир симэхтэрэ” оҕо образцовай үҥкүү ансаамбыла (сал. Седалищева А.Г.), “Дьэргэлгэн” үҥкүү ансаамбыла (сал.Софронеева А.И.), «Дьиэрэй» оҕо ырыа ансаамбыла (сал. Сидорова Р.И.), «Саһарҕа» доруобуйа харыстабылын үлэһиттэрин үҥкүү ансаамбыла (сал.Софронеева А.И.), “Вдохновение” Ньурбатааҕы кырдьаҕастар уонна инбэлииттэр дьиэлэрин үлэһиттэрин үҥкүү ансаамбыла (сал.Седалищева А.Г.).
Кэлбит ыалдьыттар хонуу кухнятыгар буспут саллаат хааһытын амсайдылар, хорчуоппаҕа сырыттылар.
