Сайыны көрсөр салама ыйааһынын сиэрэ — туома буолла.

   Бүгүн ыам ыйын 22 күнэ –сайыны көрсөр үтүө күн.  Саха киһитигэр бу ураты суолталаах кэм: тоҕус ыйдаах томороон  тымныыны  туораан, сүөһүтүн  этэҥҥэ кыстатан,  күөххэ үктэннэрэн  сайылыкка тахсар. Бу күн саһарчы  буһаран алаадьы сытын таһаараллар, сааскы кус этин амсайаллар, үрдүк Айыылартан сырдыгы, ырааһы, ыалдьыбакка – сүппэккэ этэҥҥэ сылдьары  көрдөһөллөр.

    С.Васильев аатынан култуура уонна сынньалаҥ пааркатыгар бүгүн куорат олохтоохторо  самаан сайыны көрсөр, салама ыйыыр сиэргэ – туомҥа кыттыыны ыллылар. Бу үгэс буолбут туому олохтоохтор олус диэн кэтэһэллэр. Алгыс түспүтүн кэннэ эҕэрдэ нүөмэрдэр көһүннүлэр. Кэлбит дьон болҕомтотун саха кэрэ аҥаара 19 үйэтээҕи таҥаһыгар майгыннатан норуот маастара Алексеева Мира Никитична тикпит халадаайдарын, соннорун дефилета тарта. Халлааммыт да туран биэрэн кэлбит дьон хойукка диэри тарҕаспакка ойор- тэбэр оһуокайы оройуттан туттулар, салҕыы спортивнай площадкаҕа сүүрүүгэ куоталастылар, городки оонньоотулар.

Добавить комментарий

Ваш адрес email не будет опубликован. Обязательные поля помечены *