Сэтинньи ый 15 күнүгэр “Кыталык” КД өссө биир бэрт тэрээһин буолла. Ол курдук Ийэҕэ анаммыт месячник чэрчитинэн кыбытык тигиигэ маастар-кылаас буолла. Маастар-кылааһы уус-уран оҥоһуктар норуот маастара Алексеева Мира Никитична ыытта. Кэлбит дьон Мира Никитична кыбытыгынан иистэрин сөҕө-махтайа көрдүлэр. Ол кэннэ маастар кыбытык тигиигэ туох иистэнэр тэриллэр наадаларын кэпсии-кэпсии көрдөртөөтө. Маастар-кылаас сүрүн чааһынан практическай дьарык буолла. Матырыйаалы хайдах тутан быһаллара, кыбытыктаан тигии уонна кыбытыгы кырыйыы буолла. Дьон олус астыннылар уонна өссө да маннык тэрээһиннэр буола туралларыгар баҕардылар. “Кыталык” КД уус –уран норуот маастарыгар Алексеева Мира Никитичнаҕа истиҥ махталын биллэрэр.
