Ньурба оройуонун тыыл уонна үлэ бэтэрээннэрэ сарсыҥҥы буолаары турар VII Бүлүү бөлөх улуустарын икки ардыларынааҕы спартакиадатыгар кыттыыны ылаары сылдьан, бүгүн “Кыталык” КД аччыгый саалатыгар Иван Иванович Попов – Алгыс, кыайыыга көтөллүүр Алгыһын ыллылар. Бииргэ мустан сарсыҥҥы күнү былааннаатылар, ирэ-хоро кэпсэтэн санаалара бөҕөргөөн дьиэлэригэр тарҕастылар. Ытыктыыр дьоммут – ветераннарбыт бэс ыйын 8-9 күннэригэр VII Бүлүү бөлөх улуустарын спартакиадатыгар үрдүк ситиһиилэниэхтэрэ диэн эрэнэбит! Түгэнинэн туһанан, сарсын, бэс ыйын 8 күнүгэр С.Васильев аатынан култуура уонна сынньалаҥ пааркатыгар спартакиада үөрүүлээх аһыллыытын кэлэн көрөргүтүгэр ыҥырабыт!
