Бүгүн, тохсунньу ый 25 күнүгэр Маар нэһилиэгиттэн төрүттээх дуобатка спорт маастара Ян Иванович Габышев сырдык аатыгар Садуобаҕа аһаҕас турнир «Кыталык» КД ыытылынна. Күрэх үөрүүлээх аһыллыытын кэннэ эҕэрдэ тылы эттилэр Ньурба оройуонун баһылыгын экономикаҕа уонна үпкэ солбуйааччыта Эдуард Николаевич Мярикянов, күрэх кылаабынай судьуйата, иккис спортивнай разрядтаах дуобатчыта, үһүс категориялаах оройуон судьуйата Архип Иванович Неустроев уонна Ян Иванович аймаҕа, бииргэ үлэлээбит кэллиэгэтэ Евгений Егорович Федоров.
Сайаапкалары Дьокуускай куораттан, Сунтаар, Үөһээ Бүлүү улуустарыттан уонна Ньурба улууһун тыаларыттан биэрэннэр барыта 60 – ча киһи швейцарскай ньыманан күрэххэ кытынныла
