«Ньурба хорсун саллаатыгар»

Бу күннэргэ Аллараа Халыма улууһун Черскэй бөһүөлэгэр олорор биир дойдулаахпыт Александр Дмитриев -Таммах анал байыаннай дьайыы саллаатын Андрей Григорьев хорсун быһыытыгар анаан «Ньурба хорсун саллаатыгар» диэн Оруоса Эдьигээн тылларыгар муусука суруйан ыытта. Ырыаны толордо Саха Өрөспүүбүлүкэтин үтүөлээх артыыһа Владимир Павлов. Александр Дмитриев соторутааҕыта куйаар ситиминэн Н.И.Харитонов-Николай Чуор аатынан «Кыталык»КД ыыппыт «Ылбаҕай ырыабар-Ньурба» аһаҕас ырыа күрэҕэр сэттэ ырыаны ыыппытыттан «Биһиги Ньурбабыт» диэн ырыата, «Ньурба патриота» анал ааты ылбыта. Төһө да ыраах олордор Александр Иванович дойдутугар ахтылҕанын улууспут олоҕун сонуннарыттан истэн кыттыһан, бэйэтин сэмэй кылаатын киллэрэ олорор.

Добавить комментарий

Ваш адрес email не будет опубликован. Обязательные поля помечены *