Ньурба ыччатын түмсүүтэ ааспыт 2024 сылы түмүктүүр тэрээһинэ

Тохсунньу ый 17 күнүгэр Ньурба ыччатын түмсүүтэ ааспыт 2024 сылы түмүктүүр тэрээһинэ «Кыталык» КД ыытылынна. Ааспыт сыл ситиһиилэрин үллэстэр сыаллаах, сыл чулууларын бэлиэтиир биэчэр үрдүк таһымҥа ыытылынна.
Тэрээһин фойеттан Ньурба биллэр фотографтара хаартыскаҕа түһэриилэриттэн саҕаланан, көрөөччү саалатыгар көстө. Үрдүк сыанаттан эҕэрдэ тыллары эттилэр «Ньурба оройуона» МО баһылыга А.М.Иннокентьев, Ньурба оройуонун депутаттарын Сүбэтин бэрэссэдээтэлэ Михайлова Н.М., «Ньурба оройуона» МО баһылыгын общественнай сибээскэ уонна проектнай салайыныы солбуйааччыта, Ньурба оройуонун Ыччат дьыалатын уонна имидж политикатын салайааччыта Владимирова В.Г.
Сыл ахсын буоларын курдук Ньурба ыччатын өйүүр, общественнай үлэлэргэ кыттыһар партнердарыгар уонна чулуулартан чулуулары бэлиэтиир анал ааттары туттарыы церемониятыгар эдэр ыччат диэх курдук, бүгүҥҥү тэрээһини Егор Михайловы кытта искусственнай интеллект Нюрбина буолан ыыттылар.
Ыраахтан-чугастан ыччат бөҕө мустан бу дьоро киэһэни күлэн-үөрэн, билсэн бэрт сэргэхтик атаардылар. Тэрээһини кэлэн киэргэттэ сахабыт сирин биир киэҥ санаалаах, элбэх ыччакка кумир буолар эстрадабыт чаҕылхай сулуһа – Китджа.
Ыччат тэрээһинин үҥкүүнэн киэргэттилэр «Сир симэхтэрэ» образцовай оҕо үҥкүү ансаамбыла, салайааччы А.Г.Седалищева, тэрээһин хаамыытын туруорда Н.И.Харитонов- Николай Чуор аатынан «Кыталык» КД уус-уран салайааччыта А.В.Антонова, ыытааччылар Ньурба оройуонун култуураҕа департаменын исписэлииһэ Юлия Кириллова, «Кыталык» КД исписэлииһэ Егор Михайлов уонна искусственнай интеллект Нюрбина.
Ньурба оройуонун ыччатын бу үөрүүлээх күҥҥүтүнэн Н.И.Харитонов-Николай Чуор аатынан «Кыталык» КД кэллэктиибин аатытттан итиитик-истиҥник эҕэрдэлиибит! Куруутун бу курдук бииргэ буолан, бэйэ-бэйэбитин өйдөһөн, өйөнсөн өссө да элбэх сонун бырайыактары олоххо киллэрэ туруохпут диэн эрэнэбит!

Добавить комментарий

Ваш адрес email не будет опубликован. Обязательные поля помечены *