
Улуу Кыайыы 80 сылыгар, Россияҕа уонна Саха Өрөспүүбүлүкэтигэр дойдуну көмүскээччи сылларыгар, төрөөбүт тыл уонна сурук-бичик күнүн чэрчитинэн
«Үөрэҕэрии + култуура» проект оҕолорго аналлаах
«ТЫЛ-БАТТЛ»
күрэҕин балаһыанньата
- Ыытыллар сирэ: Н.И.Харитонов—Николай Чуор аатынан «Кыталык» КД.
- Ыытыллар кэмэ: Олунньу 13 күнэ 2025с. 15:00ч
- Тэрийэччилэр: Н.И. Харитонов – Николай Чуор аатынан «Кыталык» КД, Ньурба оройуонун үөрэҕэрии салалтата.
Күрэх сыала-соруга:
— оҕоҕо саха тылын сүмэтин иҥэриммит олоҥхо нөҥүө төрөөбүт тылын иҥэрии;
— ийэ тылынан киэн туттуу, өрө тутуу, күннээҕи олоххо сахалыы саҥа эйгэтин кэҥэтэргэ туруулаһыы, үлэлэһии;
— оҕо олоххо көрүүтүн хаҥатыы;
Күрэх көрүҥнэрэ:
- 1 көрүҥ – «АЙ уонна ТАЛ» – эрдэттэн бэлэмнэниллибит сорудахтартан талан тылтан тыл таһаарыы;
- 2 көрүҥ – САХА- ПАЗЛ – бириэмэҕэ олоҥхо уруһуйдарынан паазылы таҥааһыы;
- 3 көрүҥ – «Мин кимминий?» – бэриллибит тылы бириэмэҕэ таайааһын;
- 4 көрүҥ – Өбүгэ оонньуулара – «ОЙБОНТОН УУЛААҺЫН» — хаамандалартан биирдии киһи бириэмэҕэ күрэхтэһэллэр;
- 5 көрүҥ — «Музыкальнай угуйук» – саха фольклорун араас көрүҥнэрин бириэмэҕэ истэн таайыы.
Ирдэбиллэрэ:
- Оскуолаттан 4 кылаас оҕолоруттан хамаанда;
- Хамаанда киһитин ахсаана 5 оҕо;
- Хамаанда уопсай анал таҥаһа биһирэнэр;
- Хамаанданы өйүүр бөлөх, ахсаана хааччаҕа суох;
- Хамаанда аат толкуйданан кэлэр;
- Кыттааччылар сайаапкаларын олунньу 10 күнүгэр диэри Кучурова Т.А. – 89148225171 нүөмэригэр тиксэрэҕит.
*Күрэх балаһыанньата тэрийээччилэр быһаарыыларынан уларытыы киллэриэхтэрин сөп