Ньурба оройуонун маастардарын икки ардыларыгар саха норуотун төрүт таҥаһын көрүү күрэҕин балаһыанньата
- Буолар сирэ: Ньурба к., Кыталыктаах кырдала, Киин түһүлгэ.
- Буолар күнэ-дьыла: Бэс ыйын 28 күнэ, 18.00ч.
Тэрийээччилэр: Ньурба оройуонун Култуураҕа департамена, «Ньурба куората» куораттааҕы поселениета, Н.И.Харитонов – Николай Чуор аатынан «Кыталык» култуура дыбарыаһа.
- Сыала-соруга:
- Саха норуотун баай үгэстэрин үйэлэри уҥуордаан илдьэ сылдьыы, эдэр ыччакка иҥэрии;
- Сахалыы таҥаһы кэтиини киэҥ эйгэҕэ тарҕатыы;
- Сахалыы оһуору-мандары таҥаска сөпкө туттууну өйдөтөөһүн үлэтин ыытыы;
- Бэйэ иистэнэр маастардар үлэлэрин киэҥ араҥаҕа таһаарыы;
- Хас биирдии ыал күргүөмүнэн сахалыы таҥналларын маассаҕа тарҕатыы;
- Дьиэ кэргэнинэн сахалыы таҥаһы кэтиини өрө тутуу.
- Кыттааччылар:
Ньурба оройуонун талба талааннаах иистэнньэҥнэрэ.
- Күрэх көрүҥнэрэ:
- “Саха норуотун төрүт таҥаһа” (маастар бэйэтэ тикпит таҥаһа)
- “Дьиэ кэргэн саха норуотун төрүт таҥаһа” (маастар бэйэтэ тикпит коллекцията)
- Сыаналааһын сүрүн ирдэбиллэрэ:
- Сахалыы төрүт таҥас ситэритэ, толору тигиллибитэ ирдэнэр (истээх сон, бэргэһэтэ, үтүлүк, өттүк симэҕэ, моойторук, этэрбэс, сон иһинэн халадаай эбэтэр хаттык таҥас о.д.а);
- Күрэх таҥастарын маастар бэйэтэ тикпитэ ирдэнэр;
- Дьиэ кэргэнинэн көрүү күрэххэ ийэ, аҕа баара булгуччу ирдэнэр, дьиэ кэргэн 4 киһиттэн итэҕэһэ суох буолуохтаах;
- “Дьиэ кэргэн саха норуотун төрүт таҥаһа” анал аакка дьүүлүүр сүбэ дьиэ кэргэн төрүт таҥаһын тутуспутун көрөр;
- Инники ыһыахтарга миэстэлэспит таҥастарынан – кыттыы бобуллар;
- Күрэххэ маастар биир таҥаһынан – биир эрэ көрүҥҥэ кыттар;
- Күрэх номинацияларыгар таҥастары тикпит маастар бэйэтин аатыттан сайаапка биэрэрэ булгуччулаах;
- Көрдөрүллэр таҥас саха төрүт ииһин тутуһан тигиитэ;
- Өҥү таба туттуу, дьүөрэлээһин, таҥас хаачыстыбата;
- Таҥаһы кэтэн көрдөрөр киһи сыанаҕа туттара-хаптара, дьон болҕомтотун тардара, таҥас кэрэтин көрөөччүгэ тириэрдиитэ;
- Күрэххэ кыттар маастар таҥастарын, кытааччылар хаартыскаларын, видеоларын куйаарынан тарҕатарга толору сөбүлэһэр эрэ буоллахтарына кытталлар. Сайаапкаҕа илии баттыыргыт – бу пууҥҥа сөбүлэҥ биэрэргит быһыыта.
- Биһирэбил көрүҥнэрэ:
- «Саха норуотун төрүт таҥаһа» I, II, III үрдэллэр;
- «Дьиэ кэргэн саха норуотун төрүт таҥаһа» I, II, III үрдэллэр;
- Күрэххэ кыттыыны ылбыт дьон бары туоһу сурук туталлар;
- Кыайыылаахтарга анал бириистэр туттарыллаллар.
Дьүүллүүр сүбэ СӨ уус-уран оҥоһуктарын маастардарыттан, тэрийээччилэртэн, иискэ сыһыаннаах үлэһиттэртэн, Саха норуотун култууратын чинчийэр үлэҕэ толору сыһыаннаах дьонтон турар. Мөккүөр тахсар түгэнигэр Дьүүллүүр сүбэ бэрэссэдээтэлин куолаһа мөккүөрү быһаарар бырааптаах. Дьүүллүүр сүбэ быһаарыыта бүтэһиктээх. Тэрийээччилэр көрөн эбии анал аат киллэриэхтэрин сөп.
- Сүрүннээччилэр:
Антонова А.В – 89142324693.
- Күөн-күрэскэ сурутуу:
Сайаапкалары (сыһыарыы №1) уонна булгуччу таҥас хаартыскатын бэс ыйын 25 күнүгэр диэри dkkutaluk@.ru ыйыллыбыт эл.почтаҕа ыыталлар. Кыттааччылар бэлиэтэниилэрэ түһүлгэҕэ буолар.
Сыһыарыы №1
КЫТТЫЫ САЙААПКАТА
Кыттааччы аата суола________________________________________________________
Төрөөбүт сыла_______________________________________________________________
Хантан сылдьара_____________________________________________________________
Үлэлиир сирэ_________________________________________________________________
Пааспарын даннайа___________________________________________________________
_____________________________________________________________________________
Телефонун нүөмэрэ___________________________________________________________
Кыттар номинацията_________________________________________________________
- Таҥас хаартыската булгуччулаах
Диктор ааҕар текста:
Көрдөрөр таҥас аата, хас сыллаахха тигиллибитэ, туттуллубут материаллара (эбии бэйэҕититтэн ситэрэн биэриэххитин сөп)________________________________________
_____________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
Кыттааччы: __________________________________________/ /
«_____» ____________________20_______с.
