Саха Өрөспүүбүлүкэтин күнүн көрсө, бүгүн, муус устар 27 күнүгэр Арассыыйа норуоттарын сомоҕолоһууларын, Саха Өрөспүүбүлүкэтигэр Култуура, Ньурба оройуонугар күрэс, Ньурба куоратыгар СӨ норуоттарын IX спортивнай оонньууларын көрсө сылларга анаан, Н.И.Харитонов-Николай Чуор аатынан «Кыталык» КД исписэлииһэ Черноградская Снежана Юрьевна ааспыт сылга «Росмолодежь.Гранты» күрэххэ кыттан бастаабыт бырайыагын чэрчитинэн «Волшебство родного края: легенды и сказки для будущего» аһаҕас бэстибээлигэр кыттааччылары сүүмэрдиир түһүмэҕэ ыытылынна. Манна ыраахтан-чугастан отутча оҕо кыттыны ылла. Манна араас аралдьытар тэрээһииннэр олор истэригэр олонхоттон пазлы таҥыы күрэхтэһээччилэри үөртэ.
Тойон сүбэҕэ үлэлээтилэр: Н.И.Харитонов-Николай Чуор аатынан «Кыталык» КД фольклор салаатын исписэлииһэ, СӨ култууратын туйгуна Николаева Р.Н., Ньурбатааҕы Ф.Г.Сафонов аатынан кииннэммит библиотека оҕо уонна ыччат салаатын исписэлииһэ Огочоева М.Г., СӨ үөрэҕириитин , ыччат бэлиитикэтин туйгуннара, С.С.Потапов аатынан Убайаан орто оскуолатын дириэктэри иитэр-үөрэтэр үлэҕэ солбуйааччы Семенов В.Н.
Бүгүҥ кыттыыны ылбыт оҕолортон финалга хас да оҕо ааста.
Аһаҕас бэстибээл түмүгүн сотору таһаарыахпыт, биһигинниин бииргэ буолуҥ!
