2023 сыл Россияҕа учуутал уонна уһуйааччы, Саха Өрөспүүбүлүкэтигэр Үлэ,
Ньурба оройуонугар олохтоох оҥорон таһаарыы сылларыгар, Ньурба оройуона тэриллибитэ 200 сылыгар бэлэмнэнии кирбиитигэр
«ҮЛЭ, ЭЙЭ, ТҮМСҮҮ» уйгулаах ыһыахха
«Киэргэллээх түһүлгэбит маанылаах таҥаһа» оройуоннааҕы күрэх
БАЛАҺЫАННЬАТА.
Тэрийээччилэр: Ньурба оройуонун култуураҕа Департамена, Н.И.Харитонов – Николай Чуор аатынан «Кыталык» КД
Буолар күнэ, чааһа: Бэс ыйын 20 күнэ, 2023 с. Киэһэ 18:00 ч.
Буолар сирэ: Кыталыктаах ыһыахтыыр сирэ, Добун түһүлгэ.
Күрэх сыала – соруга:
- Саха норуотун баай үгэстэрин үйэлэри уҥуордаан илдьэ сылдьыы, эдэр ыччакка иҥэрии;
- Сахалыы таҥаһы кэтиини киэҥ эйгэҕэ тарҕатыы
- Сахалыы оһуору-мандары таҥаска сөпкө туттууну өйдөтөөһүн үлэтин ыытыы
- Бэйэ иистэнэр маастардар үлэлэрин киэҥ араҥаҕа таһаарыы
- Хас биирдии ыал күргүөмүнэн сахалыы таҥналларын маассаҕа тарҕатыы
Күрэххэ кыттыы:
«Киэргэллээх түһүлгэбит маанылаах таҥаһа» аһаҕас күрэххэ ким баҕалаах номинацияларынан көрөр кыттыан сөп.
Күрэххэ Ньурба куорат олохтоохторо уонна нэһилиэктэрин талба талааннаахтара кыттыыны ылаллар.
Сахалыы таҥас көрүүтүгэр кыттыы иһин сайаапкалары эрдэттэн толорон тэрийээччилэргэ ыытаргыт булгуччулаах – болдьоҕо бэс ыйын 19 күнүгэр диэри, бу болдьох кэннэ сайаапка ылыллыбат.
Күрэх регистрацията 17 ч саҕаланар. Кыттааччылар кыттар таҥастарын кэтэн кэлэллэрэ булгуччулаах.
Күөн – күрэс ирдэбиллэрэ:
- Күрэх таҥастарын маастар бэйэтэ тикпитэ ирдэнэр. “Дьиэ кэргэн сахалыы таҥаһа”анал аатка атын маастар тикпитин кэтэн көрдөрүү түһүмэхтэн ураты.
- Күрэххэ кыттааччылар үс сыл иһинэн тигиллибит таҥастара көрдөрүллэр.
- Инники ыһыахтарга миэстэлэспиттэр – кыттыбаттар.
- Кыттааччы күрэххэ саха таҥаһын көрдөрөр. Хас биирдии кыттааччыга таҥаһын көрдөрөрүгэр 1-2 мүнүүтэ бэриллэр.
- Кыттааччы сыанаҕа сөптөөхтүк тутта – хапта сылдьара ирдэнэр.
- Тойон сүбэ уобарас толорутун көрөр
- Коллекциялаах дьон сыанаҕа көрдөрөр дьоно — бэйэтиттэн
- Кыттааччы диктор ааҕарыгар тикпит таҥаһын, оһуорун-мандарын быһаарыытын сайаапкаҕа киллэрэр.
- Күрэххэ кыттар дьон таҥастарын, кытааччылар хаартыскаларын, видеоларын киэн куйаарынан тарҕатарга толору сөбүлэһэр эрэ буоллахтарына кытталлар. Сайаапкаҕа илии баттыыргыт – бу пууҥҥа сөбүлэҥ биэрэргит быһыыта.
- Дьиэ кэргэнинэн көрүү күрэххэ эбээ, эһээ сиэннэринээн, ийэ оҕолорунаан кыттыыны ылыахтарын сөп.
- Сахалыы таҥаһы ситэрэн, кыттааччы киэргэллээҕэ ирдэнэр (илин кэбиһэр, бастыҥа, дэйбиир, сахалыы атах таҥаһа уо .д.а.)
Күрэх номинациялара:
- Сахалыы төрүт дьахтар таҥаһа
- Сахалыы төрүт эр киһи таҥаһа
- Аныгылыы (стилизованнай) дьахтар таҥаһа
- Аныгылыы (стилизованнай) эр киһи таҥаһа
- Дьиэ кэргэн сахалыы таҥаһа (маастар бэйэтэ тикпит коллекцията)
- Дьиэ кэргэн сахалыы таҥаһа (атын маастар тикпитин кэтэн көрдөрүү)
Дьүүллүүр сүбэ:
Дьүүллүүр сүбэ норуот маастардарыттан, тэрийээччилэртэн иискэ сыһыаннаах үлэһиттэртэн, Саха норуотун култууратын чинчийэр үлэҕэ толору сыһыаннаах дьонтон турар. Мөккүөр тахсар түгэнигэр Дьүүллүүр сүбэ бэрэссэдээтэлин куолаһа мөккүөрү быһаарар бырааптаах. Тэрийээччилэр көрөн эбии номинация киллэриэхтэрин сөп.
Дьүүллүр сүбэ үлэтэ:
- Көрдөрүллэр таҥас саха төрүт ииһин тутуһан тигиитин сыаналыыр
- Өҥү таба туттууну, дьүөрэлээһини, таҥас хаачыстыбатын көрүү
- Кыттааччы уобараһа толорутун сыаналааһын
- Таҥаһы кэтэн көрдөрөр киһи сыанаҕа тутта- хапта сылдьарын, таҥас кэрэтин көрөөччүгэ тиэрдиини
- Аныгылыы таҥас номинацияҕа көрүү сыанабыла – уобарас тас көрүҥэ сыанаттан кэрэтик көстүүтэ. Туттуллубут материалларын дьүөрэлээһинэ.
Кыайыылаахтары быһаарыы:
Күрэххэ кыттыыны ылбыт дьон бары туоһу сурук туталлар. Хас номинация аайы 1,2,3 миэстэлэр уонна күрэх муҥуутуур кыайыылааҕа – Гран-При хаһаайына быһаарыллар. Тэрийэччилэр эбии көрөн анал ааттар баар буолуохтарын сөп. Кыайыылаахтарга сыаналаах бириистэр туттарылаллар.
Сайаапканы биэрии:
«Киэргэллээх түһүлгэбит маанылаах таҥаһа» аһаҕас күрэххэ кыттыан баҕалаахтар бэс ыйын 5 күнүттэн бэс ыйын 19 күнүгэр диэри сайаапкаларын бу нүөмэрдэргэ биэрэҕит:
8914 104 86 96 Фекла Ивановна 8914 290 68 93 Анна Николаевна
