Балаҕан ыйын 22 күнүгэр, Россия үрдүнэн коллекционер күнүн көрсө, оройуоннааҕы киин библиотекаҕа Дьиикимдэтээҕи библиотека филиалын көҕүлээһининэн Ньурба оройуонугар сэдэх малы мунньар коллекционердар быыстапкалара буолан ааста. Барыта уопсайа аҕыс коллекционер нэһилиэнньэҕэ олохторун тухары идэ гынан муспут дьикти моһуоннаах кыптыыйдары, самовардары, значоктары, кинигэлэри, клоуннары, чаһылары, сувенирдары уонна араас сүүтүктэри муспуттарын кэлбит эрэ дьон сөҕө көрдүлэр. Маны таһынан биир интириэстээх дьон бары да кэриэтэ талааннаах буоланнар, мустубут дьоҥҥо араас техникаҕа маастар-кылаастары көрдөрдүлэр.
“Кыталык” КД костюмернай сыах иистэнньэҥэ, кэллиэгэбит Екатерина Егоровна, тигэр киһи быһыытынан араас дьикти кыптыыйдары мунньан, ону таһынан оҕуруону тигиигэ маастар – кылаас ыытан, дьон хайҕабылын ылла. Екатерина Егоровна Ньурба коллекционердарын кытта ыкса сибээс тутар буолан, кулууп иһинэн буолар тэрээһиннэргэ араас малы мунньар дьүөгэлэрин көхтөөх кыттыыны ылыннарар.
