Аҕам саастаахтар күннэрин чэрчитинэн, «Кыталык» КД үлэһиттэрэ үгэс быһыытынан В.А.Петрова аатынан кырдьаҕастар уонна инбэлииттэр дьиэлэригэр саҥа кэнсиэртиир программалаах бүгүн, алтынньы ыйын 3 күнүгэр ыалдьыттаан кэллилэр.
Аҕам саастаахтар декадаларынан итии – истиҥ эҕэрдэ тылларын эттилэр: “Ньурба оройуона” МО баһылыга Алексей Михайлович Иннокентьев, «Ньурба куорат» МТ баһылыга Геннадий Васильевич Игнатьев, Ньурба оройуонун бэтэрээннэрин Сэбиэтин бэрэссэдээтэлэ Татьяна Прокопьевна Олесова, Н.И.Харитонов — Николай Чуор аатынан «Кыталык» КД дириэктэрэ Самангади Базарсадаевна Дондокова.
Куруутун үөрэ-көтө көрсөр кырдьаҕастар, бу да сырыыга култууралар кэлиэхтээхтэр диэн, “ох” курдук оҥостон, итии үүттээх чэйдээх көрсөн, аактабаай саалаларын киэргэтэн кэтэһэн сылдьаллара.
Кыталыктар саҥа сезоммутун сотору кэминэн аһаары сылдьар буолан, буруолуу сылдьар ырыаларбытын, эдэр ырыаһыттарбытын аан бастакынан интернат олохтоохторугар билиһиннэрэ таарыйа, үөрэ – көтө кэнсиэртээтибит.
Ол курдук, бүгүн ылбаҕай ырыаларын бэлэх ууннулар Максим Федоров – Ырыа Махсыым, Айаана Антонова, Светлана Васильева, Евгений Охотоев, саҥа үлэһиттэр Валерий Платонов, Наталья Степанова, Снежана Черноградская.
Сэргэхсийбит харахтаах интернат олохтоохторо ырыаһыттар араас хайысхалаах ырыалары толорбуттарыттан ордук астыннылар, «Кыталык» КД үлэһиттэригэр үрдүк ситиһиилэри баҕара хааллылар.
