Алтынньы ый 25 күнүгэр Н.И.Харитонов — Николай Чуор аатынан «Кыталык» КД 35-с айар сезонун киэһэтэ үрдүк таһымҥа арылынна. Ыраах 1989 сылтан бэйэтин аанын тэлэччи аһан, күн бүгүҥҥэ диэри сылаас уораҕайыгар дьону-сэргэни түмэ турар кулууппут быйылгы сезонун уратытык, саҥа тэтимнээхтик үлэтин саҕалаата. Тэрээһин фойеттан биһиги үлэһиттэрбит илиилэринэн оҥоһуктарынан уонна Ньурба оройуонун Бочуттаах олохтооҕо, Ньурба оройуонун уус-уран оҥоһуктарын норуот маастара Г.Д.Федорова салайааччылаах «Сыахай эйгэтэ» куукула оҥорор түмсүүтүн үлэлэрин быыстапкаларынан саҕаланна. Быйылгы сезон арыллыыта үс түһүмэхтэн турда. Ол курдук бастакы түһүмэххэ биһиги ыллыы, тамадалыы сылдьар исписийэлиистэрбит бэйэлэрин атын амплуаҕа холонон, фольклор кэрэ эйгэтигэр сыстан көрдүлэр. Манна ыытааччыларынан СӨ култууратын туйгуна Римма Сидорова уонна Ньурбатааҕы пенсионнай фонда исписийэлииһэ Светлана Герасимова иилээн-саҕалаан ыыттылар. Ыҥырыылаах ыалдьыттар истэригэр биһиги «хааһахха укта сылдьан сүбэлэтэр» култуурабыт бэтэрээннэрин хас ыытыллар тэрээһин аайы ыҥыран, сэргэхситэр идэлээхпит, бу да сырыыга умнубакка сыанаҕа таһааран чиэстээтибит, сэмэй бэлэхпитин туттардыбыт.
Иккис «Саҥа тэтим» түһүмэҕи бэрт сэргэхтик ыыттылар Н.Н.Чусовской аатынан Октябрьскай нэһилиэк орто оскуолатын омук тылын үрдүк категориялаах учуутала Яна Кыппыгырова уонна Ньурбатааҕы үөрэҕирии управлениетын иитэр-үөрэтэр уонна эбии үөрэхтээһин отделын сүрүннүүр исписийэлииһэ Василий Семенов. Манна ырыаны хобби оҥосто сылдьар, киэҥ араҥаҕа биллэ илик саҥа талааннар Ньурба оройуонун хотугулуу — илиҥҥи Сибиирдээҕи аэронавигация үлэһиттэрэ Владимир Иванов, Лидия Григорьева, Ньурбатааҕы оҕо уонна ыччат библиотекатын исписийэлииһэ Алена Ефремова, Ньурба оройуонугар Оҕо хамсааһынын сайыннарыыга Бүтүн Арассыыйатааҕы «Бастыҥнар хамсааһыннарын» салайааччыта Жанна Ефремова, «Ньурба куорат» МТ куорат хаһаайыстыбатын эксплуатациялыыр сулууспа сүрүннүүүр исписийэлииһэ Юлия Федорова уонна күннээх Кыргызтантан, асчыт идэлээх Бектур Нурмуканбет уулу буолан үрдүк сыанаҕа тахсан бэйэлэрин талааннарын куорат олохтоохторугар көрдөрдүлэр. Маны таһынан биһиги эдэр үлэһиттэрбит Снежана Черноградская уонна Евгений Охотоев бэйэлэрин опера жанрыгар холоммуттара көрөөччү үрдүк биһирэбилин ылла. Үһүс «Айар холбоһуктар түһүлгэлэригэр» түһүмэххэ «Кыталык» КД иһинэн үлэлии-хамсыы сылдьар кулууптаах формированиеларын үлэтин билиһиннэрэр сыаллаах түмсүү салайааччылара бэлэмнээн сыанаҕа таһаардылар. Тэтимнээх, профессионал ыытааччылар Светлана Васильева-Музыка Света уонна Егор Михайлов буолан ойон-тэбэн үөрэ-көтө ыыттылар. А.Г.Седалищева салайааччылаах «Сир симэхтэрэ» оҕо образцовай үҥкүү коллектива уонна СӨ култууратын туйгуна В.Г.Плотникова салайааччылаах «Эрчим» ТХК үҥкүүһүттэрэ бастакы нүөмэринэн сыананы толору ылан бииртэн биир кэрэ үҥкүүнү ситимнээн таһааран түһүмэҕи арыйдылар. Салҕыы киэһэни киэргэттилэр эдэр вокалист үөрэхтээх кыыспыт Снежана Черноградская «Арылы», Таисия Кучурова салайар «Эйгэ» этнофолк, Владимир Иванов «Dark Star» ВИА, А.Г.Седалищева «Алмазы Нюрбы» фитнес-аэробика , Иванна Иванова «Дьүрүйээнэ» вокальнай ансаамбыл, СӨ культуратын туйгуна, “Гражданскай килбиэн” анал бэлиэ хаһаайката, Күндээдэ нэһилиэгин Бочуоттаах олохтооҕо, Ньурба оройуонун Бочуоттаах гражданина, салайааччыта Зинаида Тарасовна Петрова «Ситим» ансаамбыла илиҥҥилии тэтимнээх үҥкүүнэн түмүктээтилэр. Бу үөрүүлээх түгэҥҥэ элбэх эҕэрдэ тыллар этилиннилэр, араас хабааннаах наҕараадалар туттарыллыннылар. Үрдүк сыанаттан биһиги иистэнньэҥмит Екатерина Егоровна Афанасьева «СӨ уус-уран оҥоһуктарын маастара» үрдүк ааты ылбытыттан биһиги олус долгуйдубут, үөрүүтүн тэҥҥэ үллэһиннибит. Быйылгы үбүөлүйбүтүгэр бэлэмнэнии үлэтин туох баар санаабытын , иэйиибитин ууран туран , ис сүрэхтэн ыыппыпытын биһирээбиккитин интернет ситимин статустарынан көрөн сыралаах үлэбит үрдүктүк сыаналаммытын көрөн олус үөрдүбүт. Араас фотозоналар, олор истэригэр киирии группаҕа турар «Кыталык» КД иһинэн үлэлиир «Палитра» арт-студия оҥорбут СР, Ньурба оройуонун норуот маастарын, «Арыллыы» кыбытык тигии түмсүүтүн худуоһунньуга, оройуоммут ытык бэлиэлэрин ааптара, Ньурбатын туһугар туруулаһан үлэлии, айа-тута сылдьар Давыдов Аммос Прокопьевичтан көҥүллэтэн, сүбэлэтэн оҥоһуллубут стилизованнай Аал Луук мас, уруккуну-хойуккуну санатар хаартыскалаах стенда уонна «Я люблю «Кыталык» арт-объект бу барыта эһиги, күндү көрөөччүлэр тустарыгар ис сүрэхтэн оҥоһуллубут оҥоһуктар буолаллар.
Бу быйылгы айар сезоммутугар өрүү биһигин кытта бииргэ буолар көрөөччүлэрбитигэр, күүс-көмө буолар спонсордарбытыгар, өрүү өйдөһөр-өйөнсөр партнердарбытыгар кэлэн үөрүүлээх түгэммитигэр биһигинниин бииргэ буолбуккутугар, тэрээһин үрдүк таһымҥа ааһарыгар сыраларын ууран көмө буолбут кулууптаах формированиеларбыт кыттыылаахтарыгар улахан махталбытын тиэрдэбит! Туспа махталы биллэриэхпитин баҕарабыт бу тэрээһимиитин үйэтиппит дьоммутугар фотограф-видеографка Рустам Кириллиҥҥа-Хартыынаҕа уонна култуура бэтэрээнигэр, фотографка Альбина Лазареваҕа!
Саҥа сезон саҕаланна, саҥа аартыктар арыллан, саҥа ситиһиилэр кэлиэхтэрэ диэн эрэнэбит! Айар Тэтим — Саҥа Тэтим!













































































































